Lulëzim Basha po kthehet aktiv në ploitikë thotë se është i bindur se Partia Demokratike nuk mund të arrijë në fitore pa mbështetjen e aleancës së Shteteve të Bashkuara të Amerikës dhe Bashkimit Europian.

Në një takim, siç thotë Basha, me kontributorë dhe miq të Partisë Demokratike njësia 4, ai nënvizoi se një lidership i rremë është ai që sakrifikon të tjerët për veten, dhe hallet personale s’duhet të kthehet në pengesë për kthimin në pushtet të Partisë Demokratike.

“Kemi kaluar një kohë të vështirë. Brenda familjes sonë nisi një luftë për interesa personale që dëmtoi interesat e demokratëve dhe shqiptarëve. Kur gjërat shkojnë keq, sprova e një lidershipi të vërtetë është nëse sakrifikon të tjerët apo veten. Një lidership i rremë është ai që sakrifikon të tjerët për interesat e veta”, tha Basha.