Është arrestuar me kërkesë të Prokurorisë të Posaçme kundër Korrupsionit dhe Krimit të Organizuar, sekretarja e Përgjithshme e Ministrisë e Shëndetësisë, Joana Duro.
Mësohet se bëhet fjalë për një operacion në zhvillim e sipër. Burime pranë SPAK konfirmojnë se arrestimi i Duros është bërë në kushte të flagrancës për akuzën e “korrupsionit”.
Ndërkohë, më herët gjatë ditës së sotme rastin e ka paralajmëruar kryeministri Edi Rama. Në ndalesën e Tiranës në kuadër të turit të falënderimeve, kreu i qeverisë përmendi një sekretare të përgjithshme që është kapur në flagrancë duke marrë para.
“Si mund të ndodhë kjo? Ana e pëlqyeshme e kësaj medalje është që kapet një person që është i padenjë për të qëndruar në një zyrë shteti. Uroj të ketë sa më shumë të tilla, por s’mund të uroj që sa më shumë të tillë njerëz të bëjnë gjëra të tilla,” tha ndër të tjera Rama.
