Sophie Corcoran, gazetarja britanike shkroi një postim që hapi jo pak debat në Twitter:

“Kur në vendin tonë hyjnë ilegalisht 40.000 burra, kryesisht shqiptarë, nëse ky nuk është pushtim, atëherë çfarë është?”

Çfarë është?! Një përmirësim për shoqërinë britanike, kështu është shprehur princ Leka.

Sigurisht, përgjigjja është duartrokitur dhe ripostuar në rrjete sociale nga shumë shqiptarë. Patjetër që ka dhe nga ata që thonë se “në vend që të themi se emigracioni është fat për vendalitë, duhet të bëjmë diçka t’i sjellim emigrantët në vend”.

Lidhur me këtë, princ Leka thotë se është e vërtetë dhe ai “nuk është dakord që të ikin, por është i ndjeshëm”. Një gazetare foli ‘keq’ për emigrantët shqiptarë. Dhe në fakt, edhe përgjigjja duket e tillë: Spontane, e pamenduar gjatë, por gjithsesi shumë e goditur 🙂

Së fundmi duket se emigrantët shqiptarë po përbëjnë problem për Britaninë e Madhe. Qeveria atje është duke punuar për të krijuar një strukturë e cila do të bëjë që shumë emigrantë shqiptarë të kthehen mbrapsht nëse nuk plotësojnë kriteret e përcaktuara.

Guardian raporton se shifrat qeveritare të qarkulluara në fillim të këtij viti pretendonin se rreth 60% e emigrantëve që kalonin në Kanalin anglez (La Manche, që ndan Anglinë jugore nga Franca veriore) çdo ditë ishin nga Shqipëria, megjithëse zyrtarët vunë re se shifrat luhateshin.

Kryeministri Rama nga ana tjetër, thotë se “Britania po shënjestron shqiptarët për të justifikuar dështimet e politikave”.