Në përfundim të hetimeve të para për ngjarjen e ndodhur ditën e djeshme në fshatin Qerret, Kavajë, ku një person humbi jetën dhe një tjetër mbeti i plagosur gjatë punimeve në një pallat në ndërtim, Policia e Kavajës ka arrestuar në flagrancë shtetasen me iniciale E. Xh., 68 vjeçe, drejtoreshë teknike e punimeve.
Sipas autoriteteve, shtetasi H. P., 59 vjeç, ndërroi jetë gjatë procesit të çmontimit të një skele, ndërsa shtetasi S. H., 36 vjeç, u plagos në këmbë dhe ndodhet nën kujdesin e mjekëve.
Ndërkohë, janë shpallur në kërkim administratori i firmës ndërtuese, shtetasi E. D., 53 vjeç, si dhe inxhinieri i kompanisë, M. Sh., 31 vjeç. Ata akuzohen për veprën penale “Shkelja e rregullave të mbrojtjes në punë”.
Materialet procedurale janë referuar në Prokurorinë pranë Gjykatës së Shkallës së Parë Durrës, ku pritet të zhvillohen hetime të mëtejshme mbi përgjegjësitë dhe shkeljet e mundshme që çuan në tragjedinë.
