Policia ka njoftuar qytetarët të jenë të kujdesshëm në lidhje me mesazhet që mund të marrin në celularët e tyre, veçanërisht përdoruesit e pajisjeve “Apple”. Mesazhet e dyshimta vijnë nga adresa të ndryshme iCloud dhe premtojnë të ardhura në valuta të huaja përmes përdorimit të celularit. Personat e interesuar inkurajohen të komunikojnë nëpërmjet aplikacionit “Telegram”.

Ky aktivitet ka potencialin për të mashtruar përdoruesit dhe marrë në posedim të dhënat e tyre personale. Policia bën thirrje që të gjithë qytetarët të kenë kujdes dhe të mos shpërndajnë të dhëna personale. Ata që janë mashtruar ose kanë shpërndarë të dhënat e tyre, ftohen të paraqiten pranë zyrave të policisë.

Specialistët e Hetimit të Krimeve Kibernetike monitorojnë ndjeshëm aktivitetet në hapësirat virtuale dhe po bëjnë përpjekje për evidentimin e veprimtarive të kundërligjshme. Ju bëhet thirrje të raportoni çdo aktivitet të dyshimtë dhe të kërkoni ndihmë në zyrat e policisë për krime kompjuterike dhe kibernetike.

“Personave marrës të këtyre mesazheve, iu premtohen të ardhura të konsiderueshme në valuta të huaja, duke pasur si kriter vetëm përdorimin e aparatit të tyre celular, dhe personat e interesuar (autorët), i ftojnë të komunikojnë nëpërmjet aplikacionit “Telegram”.