Komiteti Kombëtar Këshillues për Imunizimin kishte rekomanduar ndërprerjen për përdorimin e vaksinës anti-Covid AstraZeneca. Kjo ndërprerje ishte rekumanduar për arsye sigurie pas shqetësimeve se mund të ketë lidhje me mpiksjen e gjakut.

Dje u njoftua zyrtarisht pezullimi i vaksinës së Oksfordit, për njerëzit nën moshën 55 vjeç.

“Ekziston një pasiguri thelbësore në lidhje me përfitimet nga vaksinat e AstraZeneca për të rriturit nën 55 vjeç duke pasur parasysh rreziqet e mundshme”, tha Dr. Shelley Deeks, nënkryetare e Komitetit Këshillues Kombëtar për Imunizimin.

Rekomandimet e përditësuara vijnë pas të dhënave nga Europa që tregojnë se rreziku i mpiksjes së gjakut tani është potencialisht i lartë se rreziku që besohej më parë.

Doktoresha tha se shumica e pacientëve në Evropë që patën një mpiksje të rrallë gjaku pas vaksinimit me AstraZeneca ishin gra nën moshën 55 vjeç, dhe shkalla e fatalitetit midis atyre që zhvillojnë mpiksje është deri në 40%.