Episodi i radhës i emisionit të Robert Berishës, që transmetohet këtë të dielë, pritet të thyejë rekorde audience. Arsyeja? E ftuara speciale është ish-bashkëshortja e tij, këngëtarja Nora Istrefi, dhe tensioni i ëmbël mes tyre ka ndezur kureshtjen e publikut.

Promo zbulon se hyrja e Norës në studio është shoqëruar me hitin e saj “Natën”, pikërisht te vargu provokues “A po të mungoj, oh natën natën”, çka është komentuar gjerësisht nga ndjekësit si një “detaj i qëllimshëm”.

Por momenti që ka bërë xhiron e rrjetit është veprimi i papritur i Robertit: ai i zgjat Norës një kuti me unazë, ndërsa pyet me një buzëqeshje sfiduese:
“A je e lirë me 4 shtator se jam tu u martu?”

Nora mbetet për një çast pa fjalë – një reagim që ka ndezur menjëherë spekulimet online. A ishte një shaka? Një skenar i programuar? Një provokim i pastër? Apo diçka më shumë?

Data 4 shtator është kthyer në misterin e ri të showbiz-it, ndërsa fansat aludojnë për gjithçka: që nga një ribashkim i mundshëm, deri te një surprizë e madhe që Roberti po ruan për emision.

Për të mësuar përgjigjen e Norës, kuptimin e unazës dhe të vërtetën e asaj date, publikut do t’i duhet të presë të dielën, kur episodi të transmetohet i plotë.