Në Darkën e të Nominuarve të organizuar në kuadër të “Big Brother VIP Kosova”, diskutimet mes banorëve sollën momente interesante, përfshirë një pyetje të drejtuar ndaj Leonardo Gashit për vendimin e tij si kapiten i javës.

Leonardo u pyet nëse mendonte që publiku kishte krijuar një mendim negativ për të, pasi vendosi të nominojë Drilonin dhe Gjestin. Këngëtari reagoi duke sqaruar se arsyet e tij për këtë vendim ishin të qarta.

“Nuk besoj që më kanë marrë inat pasi e kam cek për çka i kam nominuar. Kanë qenë të vetmit që kanë dashur me më bë dëm në lidhje, e sidomos Gjesti,” tha ai.

Pas eliminimit të tij nga gara në Kosovë, Gjesti nuk humbi kohë dhe kaloi në versionin shqiptar të “Big Brother VIP”. Aty, ai ka fituar menjëherë vëmendje dhe pëlqim të madh nga publiku, duke e kthyer në një konkurrent të fortë.

Kjo situatë ka krijuar një dinamikë të re mes banorëve dhe ka ndezur diskutime të tjera lidhur me strategjitë dhe vendimet brenda lojës. Me sa duket, gara në të dyja versionet e “Big Brother VIP” po bëhet gjithnjë e më interesante.