Pas shqetësimeve të mëparshme për çështjen “Hermoso”, ish-presidenti i Federatës Spanjolle të Futbollit, Luis Rubiales, përballon tashmë akuzat e rënda për korrupsion, keqmenaxhim dhe pastrim parash.

Hetimet tani janë përqëndruar te organizimi i Superkupës së Spanjës në Arabinë Saudite, ku dyshohet se Rubiales ka marrë ryshfet në formë toke për favorizimin e ndërtimit të hoteleve në zonën e Gjirit.

Dëshmia e ish-shefit të kabinetit të Federatës Spanjolle të Futbollit, Juan Rubiales, ka rëndësi të veçantë në këtë hetim, pasi ai dha dorëheqjen në protestë kundër drejtimin e nipit të tij.

Hetimet janë nisur pas ankesave të paraqitura për kontratat e nënshkruara nga Luis Rubiales, veçanërisht për transferimin e Superkupës në Arabinë Saudite përmes ndërmjetësimit të kompanisë “Kosmos” të futbollistit të njohur Gerard Pique.

Në total, 7 persona janë arrestuar dhe 5 të tjerë janë nën hetim. Megjithatë, Rubiales aktualisht ndodhet jashtë vendit në Republikën Domenikane, sipas burimeve të “Associated Press”.