Moderatorja dhe aktorja Xheneta Fetahu ka rrëfyer për herë të parë një moment të papritur nga jeta e saj personale: një propozim për martesë që ajo e ka refuzuar.

Në emisionin “Trotuar”, Fetahu solli në studio unazën e famshme, që ishte bërë pjesë e shumë komenteve në rrjet, dhe zbuloi arsyen pse i tha “jo”.

“Nuk ka qenë çështje guri, por personi,” – tha ajo, duke sqaruar se vendimi i saj nuk kishte të bënte me vlerën e unazës, por me ndjenjat.

Gjatë bisedës me moderatoren Nevina Shtylla, Xheneta tregoi me humor se unaza nuk kishte ardhur nga personi që ajo do të kishte dashur:

“Do e doja nga një person tjetër. Unë kam edhe gishtat e vegjël, nuk shkon një gur shumë i madh,” – u shpreh ajo me të qeshur.

Në studio, ajo pranoi gjithashtu se ka pasur një krisje me partnerin aktual, duke treguar se “i dashuri i kishte hequr bllokun që nga java e kaluar”.

“Po të kishte qenë nga ai unaza, i kisha thënë po,” – përfundoi ajo me sinqeritet.

Deklarata e Xhenetës ka shkaktuar reagime të shumta në rrjet, ku ndjekësit kanë komentuar si për refuzimin e propozimit, ashtu edhe për marrëdhënien e saj aktuale.