Momenti romantik i puthjes mes Bora Zemanit dhe Donald Veshajt në ‘Big Brother VIP 1’ ka shpërthyer në klikime online, por vetë Donaldi ka pranuar se ende nuk ka pasur guximin ta shohë atë. Në një intervistë në “E Diell,” ai tregon se, megjithë emocionet e forta, nuk ka dashur t’i rikthehet momentit nëpërmjet videove.

Unë tani po e shikoj. Që kur kam dalë nga Big-u unë nuk e kam parë, nuk e kam patur atë guximin më saktë. Këtë video e ka publikuar Romeo. Ka qenë takimi im me Borën, shumë emocional, shumë drithërues. Të gjitha emocionet, kanë qenë emocione të forta. Unë nuk besoj shumë tek statistikat, se nuk rri t’i shoh dhe t’i kontrolloj por si emocione dhe moment ka qenë shumë i fortë dhe mendoj se është një nga ato emocione që nuk ka për t’u larguar ndonjëherë nga mendja dhe nuk kanë për t’u harruar kollaj. Ka qenë një emocion i vërtetë, një emocion i sinqertë, një situatë e komplikuar dhe një ndjenjë shumë shumë e fortë”