Gazetarja Ledjona Xheladinaj ka shprehur dëshirën për të larguar nga shtëpia e “Big Brother VIP3” duke e argumentuar vendimin me mungesën e interesit për të vazhduar lojën. Gjatë një bisede me aktoren Egla Ceno dhe violinistin Ervin Gonxhi, Xheladinaj tha se nuk ka më ndjenja pozitive ndaj lojës dhe dëshiron të largohet pa ofendime.

Aktorja Egla Ceno provokoi gazetaren duke e shtyrë që të ofendonte ndonjë person për të shkaktuar një situatë që mund të çonte në përjashtim, por Xheladinaj mbeti e qetë dhe shprehu dëshirën për të lënë shtëpinë pa konflikte. Violinisti Ervin Gonxhi këmbënguli për të bindur Xheladinajn të qëndrojë në lojë.

Pjesë nga biseda:

Ledjona: Më kuptoni, ju kam xhan dhe ju dua për atë që jeni dhe nuk kam asnjë lloj interes loje. Thjesht nuk më pëlqen kjo gjëja këtu, kaq. Nuk jam unë kjo siç jam.

Egla: Do të dalësh, po shaj ndonjë gjë edhe del.

Ledjona: Jo dua të dal ashtu siç jam.

Ervini: Ku do të dalësh ti tani a më the mua që rri këtu? Si do dalësh, ne a e lamë kështu?

Egla: Aman se i ka naze.