Aktori i njohur amerikan Denzel Washington ka habitur publikun gjatë një bisede me reperin A$AP Rocky dhe regjisorin Spike Lee, duke pranuar se nuk i shikon filmat, as të tijtë, as të të tjerëve. “Nuk shoh filma, vërtet nuk shoh. Nuk shkoj në kinema. Nuk shoh filma fare. Mbase sepse i bëj vetë, jam lodhur prej tyre”, tha Washington me humor.

Ai dhe A$AP Rocky do të shfaqen së bashku në filmin e ri Highest 2 Lowest, një thriller neo-noir me regji të Spike Lee, i cili do të dalë muajin e ardhshëm në kinema dhe AppleTV+. Ky është bashkëpunimi i pestë mes Washington dhe Lee, që nga drama e vitit 1990 Mo’ Better Blues.

I pyetur për filmin e tij të preferuar nga këto bashkëpunime, aktori tha: “Nuk kam të preferuar. Filmi im i preferuar është ai që do të bëj më pas. Nuk jam i interesuar për të kaluarën”, duke shtuar se nuk e ka parë as Mo’ Better Blues që nga premiera.

Projektet e ardhshme të Washington përfshijnë filmin aksion Here Comes the Flood për Netflix, ku do të luajë përkrah Robert Pattinson dhe Daisy Edgar-Jones.