Gati dhjetë mijë njerëz janë detyruar të largohen nga shtëpitë e tyre në rajonin e Kharkiv-it të Ukrainës verilindore, pas ofensivës tokësore të Rusisë. “Gjithsej janë evakuuar 9,907 njerëz,” tha guvernatori Oleg Synegoubov, më shumë se një javë pas nisjes së sulmit rus.

Sipas presidentit ukrainas Volodymyr Zelensky, kjo mund të jetë vetëm vala e parë e një ofensive më të gjerë. Ndërkohë, Polonia ka financuar një projekt prej rreth 2 miliardë eurosh për të fortifikuar kufirin me Ukrainën.

Putin ka thënë se ka diskutuar mundësinë e një armëpushimi gjatë Lojërave Olimpike të Parisit me presidentin kinez Xi Jinping. Megjithatë, Zelensky u përgjigj se “Iniciativat si kjo me presidentin rus nuk funksionojnë.”