Policia e Kosta Rikës, në bashkëpunim me Rojet Bregdetare të SHBA-së, ka realizuar një operacion të përbashkët që përfundoi me sekuestrimin e më shumë se katër ton kokainë, një nga goditjet më të mëdha kundër trafikut të drogës në vend.

Dy shtetas kolumbianë u arrestuan gjatë aksionit, ndërsa ministri i sigurisë i Kosta Rikës e quajti operacionin “historik”. Ky rast vjen në një periudhë kur vendi ka shënuar rritje të ndjeshme të krimit të lidhur me trafikimin e drogës. Midis viteve 2022 dhe 2024, Kosta Rika ka sekuestruar gjithsej 81 ton substanca të paligjshme.

Shkalla e vrasjeve në vend, që dikur konsiderohej më e sigurt në Amerikën Qendrore, ka arritur 16.6 për 100,000 banorë në vitin 2024 – pothuaj dyfishimi i mesatares globale. Për më tepër, autoritetet amerikane paralajmërojnë qytetarët e tyre që udhëtojnë në Kosta Rikë për rreziqet e sigurisë.

Operacioni vjen pas arrestimit të ish-gjyqtarit dhe ish-ministrit të sigurisë, Celso Gamboa, i cili përballet me ekstradimin në SHBA për akuzat e trafikimit të drogës.