Policia ka finalizuar operacionin e koduar “Aksi”, duke arrestuar dy persona në aksin rrugor “Nikël–Fushë Krujë”, të cilët u kapën duke transportuar lëndë narkotike me qëllim shitjen.
Në pranga ranë Shaban Haka, 34 vjeç, banues në Nikël, dhe Ilir Topalli, 43 vjeç, banues në Fushë-Krujë. Gjatë kontrollit të automjetit tip “Volkswagen”, u sekuestruan 2 thasë me kanabis sativa, me peshë totale 10 kilogramë, si dhe 3 aparate celulare.
Më tej, gjatë kontrollit të banesës së 34-vjeçarit, policia gjeti dhe sekuestruar një armë gjahu pa leje. Të gjitha provat materiale, përfshirë drogën, armën dhe automjetin, janë i kaluan Prokurorisë për veprime të mëtejshme.
Operacioni tregon angazhimin e Policisë për goditjen e veprimtarive kriminale në fushën e narkotikëve dhe parandalimin e shpërndarjes së lëndëve narkotike në vend.
