truktura e Posaçme Anti-Korrupsion po vazhdon operacionin në lidhje me aferën e inceneratorit të Tiranës. Seanca për dhënien e masës së sigurisë për 15 të ndaluarit u mbajt në Gjykatën e Posaçme, ku pjesa më e madhe e tyre tashmë ishin nën masa sigurie “arrest në burg” ose “arrest në shtëpi”.

Hetimet kanë zbuluar parregulla dhe shkelje ligjore në procedurat për dhënien e koncesionit për inceneratorin. Zyrtarët dhe sipërmarrësit, përfshirë Klodian Zoto dhe Mirel Mërtiri, janë akuzuar për shpërdorim detyre dhe praktika të dyshimta që kanë realizuar në bashkëpunim.

Në kuadër të hetimit, rezulton se ish-ministri Lefter Koka ka patur një këshilltar të jashtëm që paguhej nga ministria por ishte i punësuar fiktivisht në kompaninë e Zotos. Ish-deputeti Alqi Bllako është akuzuar për përfitim prej rreth 120 mijë euro nga sipërmarrësi Zoto, duke përfshirë blerjen e një makinerie.

Personat e arrestuar përfshijnë:

Lefter Koka: Ish-ministër i Mjedisit, i dënuar për incineratorët e Elbasanit dhe Fierit.
Alqi Bllako: Ish-Sekretar i Përgjithshëm i Ministrisë së Mjedisit dhe ish-deputet, i dënuar për inceneratorin e Fierit.
Pëllumb Abeshi: Ish-zyrtar i Ministrisë së Mjedisit, i dënuar për inceneratorin e Fierit.
Mirel Mërtiri: Pronar i inceneratorëve, i dënuar për incineratorët e Elbasanit dhe Fierit.
Klodian Zoto: Pronar i inceneratorit të Fierit, i dënuar për incineratorët e Elbasanit dhe Fierit.
Erjon Murataj: Ish-zyrtar në Bashkinë e Fierit, nën masë sigurie.
Taulant Tushe: Drejtor i infrastrukturës në Bashkinë e Tiranës.
Namik Simixhiu: Ish-zyrtar në Ministrinë e Mjedisit.
Etleva Kondi: Ish-zyrtare e lartë në Ministrinë e Mjedisit dhe Ministrinë e Infrastrukturës.
Valbona Ballgjini dhe Sidita Kola: Zyrtare të implikuara në aferën e inceneratorit të Fierit.
Alba Thoma, Sidita Kopliku dhe Sidita Tola: Emra të rinj në listën e personave të ndaluar në lidhje me inceneratorin e Tiranës.
Hetimet dhe arrestimet vazhdojnë, duke përfshirë akuzat e shpërdorimit të detyrës dhe bashkëpunimin në shkelje të ligjit.