Policia e Tiranës ka zbuluar një banesë që shërbente si bazë për përgatitjen dhe ndarjen e lëndëve narkotike, të destinuara për shitje. Si rezultat i operacionit të koduar “Drug Base”, është arrestuar në flagrancë S. R., 30 vjeç, banues në Tiranë.
Sekuestrimet në banesë
Gjatë kontrollit, efektivët e Komisariatit Nr.6, në bashkëpunim me Seksionin për Hetimin e Narkotikëve të DVP Tiranë, kanë sekuestruar:
• 1 kg e 276 gram lëndë narkotike kanabis
• Sasi lënde narkotike kokainë
• 1 peshore elektronike
Të gjitha sendet e sekuestruara do të shërbejnë si prova materiale në procesin hetimor. Policia vijon hetimet për të zbuluar bashkëpunëtorë të mundshëm dhe për të goditur rrjetin e shpërndarjes së drogës në kryeqytet.
