Garda Civile në Spanjë dhe Garda Kombëtare Republikane në Portugali zhvilluan së bashku operacionin ‘Gerbera-Arvoredo’, të koordinuar nga EUROPOL, duke goditur një grup kriminal shëtitës që kryente grabitje me forcë në një zonë të madhe të Portugalisë veriore.

Operacioni nisi në nëntor të vitit 2021 dhe u finalizua faza e parë në shkurt të vitit 2022 me arrestimin e dy shqiptarëve në qytetin Vilanova de Cerveira. Në momentin e arrestimit u gjetën bizhuteri, para në dorë, pajisje celularë, dhe automjete të përdorura për grabitje.

Grabitësit zgjidhnin banesa në të cilat kishte objekte me vlerë dhe i fshihnin mallin e grabitur në zonën pyjore të Vilanova de Cerveira. Vlera e grabitjes arrinte në dy milionë euro.

Pas arrestimit të shqiptarëve, u identifikuan edhe dy vajza si bashkëpunëtore në provincën e Valencias në Spanjë. Operacioni Europian vazhdon të godasë dhe të arrestojë personat e përfshirë në aktivitetin kriminal në këtë zonë.