Policia e Tiranës ka finalizuar operacionin e koduar “Influenca”, duke vënë në pranga një 23-vjeçar që nxiste një 13-vjeçar të kryente vjedhje në kryeqytet.

Gjatë hetimeve është vënë nën hetim i mituri, i dyshuar për një sërë vjedhjesh në zona të ndryshme të Tiranës, si dhe dy persona të tjerë që blinin sendet e vjedhura nga ai.

Në kuadër të operacionit, u sekuestruan katër monopatina, që dyshohet se janë të vjedhura.

Policia ka bërë të ditur se hetimet vijojnë për të zbuluar raste të tjera të ngjashme dhe për të identifikuar persona të tjerë të përfshirë në këtë veprimtari kriminale që shfrytëzon të miturit.