Operacioni policor i koduar “Lokalizimi” ka përfunduar me sukses në qytetin e Mamurrasit, ku një 19-vjeçar i kërkuar për krime kundër personit dhe armëmbajtje pa leje është kapur. Pas një ndjekjeje dhe ndërhyrjeje profesionale nga Policia e Kurbinit, në bashkëpunim me Forcat Kombëtare të Sigurisë në Shkodër, shtetasi është i kapur, edhe pse kishte tentuar të iu largohej shërbimeve të policisë.

Në momentin e arrestimit, shtetasi është gjetur në posedim të një armë zjarri pistoletë me mulli dhe municion luftarak.

Ky individ ishte në kërkim pasi gjykata i kishte caktuar masën e sigurisë “Arrest në burg” për veprat penale “Vrasja në rrethana cilësuese”, mbetur në tentativë dhe “Armëmbajtja pa leje”. Operacioni është organizuar dhe finalizuar në kuadër të megaoperacionit policor “Sundimi i ligjit”, ku shërbimet e policisë kanë vepruar bazuar në informacione të siguruara nga inteligjenca policore. Pas kapjes së shtetasit, materialet procedurale janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.