Pas luftës në Gaza, disa vende kanë shprehur në favor të përjashtimit të Izraelit nga gara në Eurovizion. Megjithatë, organizatorët e konkursit kanë refuzuar të vepruan në këtë rast në të njëjtën mënyrë siç bënë me Rusinë kur ajo pushtoi Ukrainën në vitin 2022.

“Krahasimet midis luftërave dhe konflikteve janë komplekse dhe të vështira dhe si një organizatë mediatike jopolitike, nuk na takon ne t’i bëjmë ato,” tha Noel Keren, drejtor i përgjithshëm i Bashkimit Evropian të Transmetimeve (EBU).

Ai theksoi se Eurovizion Song Contest është një ngjarje muzikore jopolitike dhe një garë ndërmjet transmetuesve publikë, anëtarë të EBU-së. “Kjo nuk është një garë mes qeverive,” shtoi Keren.

Në rastin e Izraelit, sipas tij, organet drejtuese arritën në përfundimin se transmetuesi publik izraelit Kan i përmbushi të gjitha rregullat e konkursit për këtë vit dhe mund të merrte pjesë siç ka bërë për 50 vitet e fundit.

“Në vend të kësaj, në rastin e Rusisë, pjesëmarrja e transmetuesit rus ishte pezulluar nga EBU për shkak të dështimit sistematik të tij për të përmbushur detyrimet e tij si anëtarë dhe shkeljes së vlerave të shërbimit publik,” shtoi ai.

Keren gjithashtu theksoi se marrëdhënia midis transmetuesit publik Kan dhe qeverisë izraelite është “thelbësisht e ndryshme” nga ajo midis TV rus dhe Moskës, duke vënë në dukje se qeveria izraelite ka “kërcënuar vitet e fundit të mbyllë transmetuesin”.