Titulli: “”

Presidentja Vjosa Osmani dhe Kryeministri Albin Kurti kanë përshëndetur me entuziazëm vendimin e Asamblesë Parlamentare të Këshillit të Evropës për të miratuar draft-opinionin për anëtarësimin e Kosovës. Presidentja Osmani falënderoi deputetët e Asamblesë për mbështetjen, ndërsa Kryeministri Kurti shprehu shpresën se faza e ardhshme do të përmbyllet me sukses.

Osmani shkroi në një postim: “Faleminderit të gjithëve deputetëve të Asamblesë Parlamentare të KiE që votuan pro Kosovës anëtarësimit të Kosovës në Këshillin e Europës sot! Një falënderim i madh për delegacionin tonë dhe të gjithë ata që mbështesin vazhdimisht popullin e Kosovës. Edhe një hap!”

Ndërkohë, Kurti theksoi rëndësinë e këtij hapit drejt anëtarësimit, duke shprehur bindjen se Kosova do të arrinte sukses në fazën e ardhshme. “Asambleja Parlamentare i thotë PO Kosovës. Jemi edhe një hap më afër dhe vetëm një hap larg anëtarësimit në Këshillin e Evropës. Faza e radhës dhe e fundit që na pret është ministeriali në muajin maj… Urime të gjithëve!”, shkroi Kurti.