Sulmuesi i PSG-së, Ousmane Dembele, konsiderohet kandidati kryesor për të fituar “Topin e Artë” për vitin 2025. Sipas renditjes përfundimtare të publikuar nga Score90, Dembele mban vendin e parë para ceremonisë që do të zhvillohet në shtator.
Pas tij renditet Lamine Yamal, i riu i Barcelonës, ndërsa ylli i Real Madridit, Kylian Mbappe, kompleton treshen e parë. Në pesëshen e parë hyjnë gjithashtu Pedri dhe Mohamed Salah, duke lënë jashtë listës yjet e tjerë të PSG-së, Vitinha dhe Nuno Mendes.
Dembele ka shkëlqyer gjatë sezonit 2024-2025, duke qenë vendimtar për suksesin e PSG-së dhe duke kontribuar me 35 gola dhe 16 asiste, ndërsa ekipi arriti të fitojë tripletën evropiane. Performanca e tij e jashtëzakonshme e bën atë favoritin kryesor për çmimin më prestigjioz individual në futboll.
