Ditën e sotme hyn në fuqi vendimi i qeverisë për konfiskimin e ndërtimeve pa leje të bëra në Shqipëri. Brenda 6 muajsh synohet të ngrihet regjistri i pronave të konfiskuara.

Ndërkohë pronarëve të ndërtesave u janë lënë dy mundësi, të blejnë pronën e tyre me çmim tregu, gjë që nuk ishpëton nga gjoba, ose ta dhurojnë për përdimin e saj si qendër komunitare.

Deri më tani, janë konfiskuar dy pallate në zonën e Farkës, të biznesmenit Lul Morina dhe biznesmenit Pëllumb Salillari. Për të dy pallatet, ka qenë vetë zëvendës kryeministrja, Belinda Balluku dhe ministri i Brendshëm, Bledi Çuçi të cilët kanë bërë edhe një inspektim ku kanë deklaruar se iishte zbuluar se këto objekte ishin ndërtuar pa leje dhe do të konfiskoheshin me hyrjen në fuqi të vendimit të qeverisë.

Balluku në një deklaratë të saj e konsideroi si “mister” sesi këto pallate ishin ndërtuar pa pasur lejen e duhur.