Një zjarr i madh përfshiu garazhin e një pallati në kompleksin “Kika 1” në Tiranë, duke shkaktuar djegien e disa makinave dhe panik te banorët.

Policia dhe zjarrfikësit ndërhynë menjëherë për të shuar flakët dhe për të evakuuar banorët, ndërsa disa prej tyre u asfiksuan nga tymi. Sipas burimeve pranë QSUT, një 38-vjeçare ndodhet në shërbimin e toksikologjisë, duke marrë trajtim mjekësor për probleme me frymëmarrjen, por është jashtë rrezikut për jetën.

Aktualisht, ka ende prezencë tymi në disa banesa, por pas stabilizimit të situatës, banorët do të kthehen në apartamentet e tyre. Autoritetet po hetojnë shkaqet e zjarrit.