Pamjet rrëqethëse nga kamerat e sigurisë shfaqin momentin kur një 22-vjeçare, gjatë palestrës në Indonezi, rrëzohet nga pista e vrapit dhe bie nga dritarja e katit të sipërm të palestrës. Videoja, e cila është regjistruar në një palestër në Pontianak, West Kalimantan, tregon pistën për vrap dhe gruan e cila humb baraspeshimin dhe bie nga dritarja.
Gruaja, e identifikuar me inicialet F.N., kishte tentuar të mbahej në kornizën e dritares, por pa sukses. Sipas raportimeve, i dashuri i saj i kishte sugjeruar të stërvitej në katin e dytë të palestrës, por ajo kishte preferuar të vraponte në katin e tretë. Pasi kishte vrapuar për 30 minuta, ajo filloi të ngadalësonte vrapin para momentit tragjik.
Pas rrëzimit, F.N. u dërgua me urgjencë në spital, por fatkeqësisht nuk arriti të mbijetojë. Raporti i autopsisë zbuloi se ajo kishte pësuar lëndime të rënda në kokë. Policia njoftoi se pista e vrapit, e vendosur pranë dritares, ishte në një pozitë të rrezikshme, vetëm 60 centimetra larg dritares.
