Studimi mbi mbi 24,000 njerëz në Angli ka konfirmuar se PrEP (profilaksia para ekspozimit), një medikament që ndalon HIV-in nga infektimi i trupit, është shumë efektiv si trajtim parandalues. Gjetjet e këtij studimi janë vlerësuar si “siguruese” dhe shfaqin efikasitet në parandalimin e transmetimit të HIV-it me rreth 86% kur përdoret në jetën e përditshme. Studimi është kryer nga Agjencia e Sigurisë Shëndetësore në Mbretërinë e Bashkuar (UKHSA) dhe është vlerësuar si studimi më i madh në botën reale në këtë fushë. Organizata “Terrence Higgins Trust” ka shprehur dëshirën për një qasje më të lehtë në këtë ilaç, duke theksuar se shumë njerëz nuk janë të informuar për ekzistencën e tij.

Agjencia e Sigurisë Shëndetësore në Mbretërinë e Bashkuar (UKHSA), e cila kreu studimin tha se ”ishte studimi më i madh ndonjëherë në botën reale në llojin e vet”.

Financuar nga NHS England, ai u krye në 157 klinika të shëndetit seksual në të gjithë Anglinë midis tetorit 2017 dhe korrikut 2020.

Studimi zbuloi përdorimin e PrEP, i njohur gjithashtu si profilaksia para ekspozimit zvogëloi shanset për t’u prekur nga HIV me rreth 86% kur përdoret në jetën e përditshme.

Studimet klinike kanë sugjeruar që ilaçi është 99% efektiv.

“Ky studim ka demonstruar më tej efektivitetin e PrEP në parandalimin e transmetimit të HIV-it dhe demonstroi, për herë të parë, efektin mbrojtës të raportuar nga studimet e mëparshme, por në në shkallë të gjerë dhe të ofruara përmes shërbimeve rutinë të shëndetit seksual në Angli”, theksoi John Saunders, autor i studimit.