Në fjalimin e tij të Pashkëve, Papa Françesku përcolli një mesazh të fuqishëm paqeje dhe uniteti për besimtarët kudo në botë. Ai e nisi me përshëndetjen tradicionale të Krishtit të ringjallur: “Paqja qoftë me ju”, duke theksuar se kjo është dhurata më e madhe që Krishti solli pas ringjalljes së tij.

“Vëllezër dhe motra të dashura, kjo është përshëndetja e parë e Krishtit të ringjallur. Do të doja të ofroja një përshëndetje paqeje për të arritur familjet tuaja, të gjithë ju, kudo që të jeni,” u shpreh Papa nga Sheshi i Shën Pjetrit.

Kreu i Selisë së Shenjtë theksoi se njerëzimi sot më shumë se kurrë ka nevojë për Krishtin si një urë mes Zotit dhe njeriut, mes dashurisë hyjnore dhe vuajtjeve njerëzore. Ai i bëri thirrje të gjithëve të ndihmojnë njëri-tjetrin dhe të ndërtojnë ura bashkimi.

“Na ndihmoni dhe ndihmoni njëri-tjetrin, ndërtoni ura. Të gjithë mund të ecim së bashku drejt atij atdheu që Zoti ka përgatitur për ne,” u shpreh Papa, duke u ndalur më pas edhe në një përshëndetje të veçantë për Kishën e Romës.

Mesazhi i Papës vjen në një kohë sfidash të mëdha për botën, ku fjalët e tij për paqe, bashkim dhe solidaritet marrin një domethënie të veçantë për të krishterët dhe mbarë njerëzimin.