Ditën e sotme pritet një tjetër sistem i fuqishëm vranësirash në territorin shqiptar duke sjellë reshje shiu e dëbore që në orët e mesditës. Më të dendura reshjet paraqiten në zonat veriore dhe pjesërisht në qendër të territorit.

Orët vijuese sjellin zhvillim të mëtejshëm të vranësirave duke gjeneruar shira në formë shtrëngate në ultësirën perëndimore dhe reshje dëbore në zona të thella malore. Kjo situatë e paqëndrueshme atmosferike mbetet dhe gjatë natës.

Temperaturat e ajrit do të pësojnë rritje në mëngjes dhe në mesdite duke luhatur vlerat ditore nga -1°C deri në 15°C.

Era do të fryjë e fortë në tokë dhe në det duke arritur shpejtësinë maksimale 75 km/h nga drejtimi Jugor, kjo do të bëjë që në brigjet detare të krijohen dallgë mbi 6 ballë.