Më 17 dhjetor 2024, Shqipëria do të jetë nën ndikimin e masave ajrore me origjinë kontinentale, duke sjellë mot të kthjellët dhe relativisht të ftohtë. Kthjellimet do të jenë më të theksuara përgjatë vijës bregdetare dhe pjesërisht në zonat e ulëta. Gjatë pasdites, priten kalime të lehta vranësirash në të gjithë territorin, por pa reshje.

Temperaturat do të pësojnë një rritje të lehtë, me vlerat ditore që variojnë nga -2°C në Peshkopi deri në 17°C në Vlorë dhe Sarandë. 

Era do të fryjë mesatarisht me shpejtësi deri në 35 km/h nga drejtimi lindor, duke krijuar valëzim të ulët në brigjet detare.