Moti parashikohet kryesisht i vranët dhe i ftohtë në të gjithë vendin. Vranësirat do të jenë më të dendura në veri dhe në zonat malore, ku nuk përjashtohen reshje të shumta bore gjatë ditës. Në zonat bregdetare dhe të ulëta, priten vranësira dhe shira.
Temperaturat do të jenë dimërore, me vlera minimale që zbresin deri në -3 gradë Celsius në zonat malore dhe deri në 2-3 gradë në zonat e ulëta. Maksimat ditore luhaten nga 6 deri në 12 gradë në bregdet. Era do të fryjë mesatare nga verilindja, duke sjellë ndjesinë e ftohtit, ndërsa deti parashikohet i qetë deri pak i trazuar. Në mëngjes mund të ketë mjegull të lehtë në luginat e thella dhe pranë lumenjve.
