Orët e para të ditës së shtunë do të MBETEN në ndikimin e vranësirave të dendura dhe kthjellimeve të pakta, Ku herë pas here vranësirat zhvillohen duke sjellë shira fillimish në zonat perëndimore dhe gradualisht do të përfshijnë gjithë territorin shqiptar. Herë pas herë reshjet do jenë në formën e shtrëngatave. Këto kushte atmosferike mbeten deri orët e vona të pasdites kur do kemi intervale me kthjellime dhe pauzë të reshjeve.

Sipas Meteoalb, sot temperaturat do të kenë një rënie të lehtë, ku do të variojnë: në zonat malore, nga 07°C në 14°C, në zonat e ulëta nga 13ºC në 21°C dhe në zonat bregdetare nga 15°C në 22°C.

Era do fryjë e lehtë dhe mesatare me shpejtësi 40 km/h nga drejtimi Jugor duke gjeneruar në det dallgëzim 4  ballë.