Mbetemi në ndikimin e motit të kthjellët, por të nxehtë edhe gjatë ditës së martë. Parashikohet që këto kushte atmosferike të mbeten gjatë gjithë ditës, ndërsa vranësira të lehta shfaqen në verilindje dhe juglindje të vendit gjatë pasdites dhe mbrëmjes.

Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 19°C në 32°C, në zonat e ulëta nga 25°C në 40°C dhe në zonat bregdetare nga 26°C në 41°C.

Era do fryjë e lehtë dhe mesatare me shpejtësi deri 33 km/h, nga drejtimi jugor-Jugperëndimor ndërsa në det të hapur krijohet dallgëzim 3 ballë.