Paraditja mbetet në ndikimin e kthjellimeve dhe vranësirave të herë-pas hershme deri në mesditë kur pritet zhvillim i vranësirave në ekstremin jug-juglindje duke sjellë reshje të pakta shiu.

Parashikohet që pasditja të sjellë përmirësim gradual të motit duke bërë që i gjithë vendi të karakterizohet nga kthjellime dhe vranësira të pakta.

Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 13°C në 23°C, në zonat e ulëta nga 20°C në 29°C dhe në zonat bregdetare nga 22°C në 30°C.

Era do fryjë mesatarisht me shpejtësi 35 km/h, nga drejtimi kryesisht Verior-Veriperëndimor ndërsa në det krijohen dallgë 2 ballë.