Zhvillimi i një qëndre anticiklonar në rajonin e mesdheut vijon të diktojë prej ditësh në vendin tonë kushtet e motit. Për pasojë kthjellime dhe kalime të pakta vranësirash do të jenë mbizotëruese në të gjithë territorin.

Por në intervale të shkurtra kohore pritet që vranësirat të bëhen më të dukshme përgjatë kufirit Lindor.

Sipas Meteoalb, sot temperaturat do të pësojnë rritje të lehtë ku do të variojnë: në zonat malore, nga 05°C në 15°C, në zonat e ulëta nga 12°C në 24°C dhe në zonat bregdetare nga 15°C në 25°C.

Era do të fryjë kryesisht e lehtë me shpejtësi 28 km/h nga drejtimi Jugor Jugperëndimor duke sjell në det dallgëzim 2 ballë.