Pas reshjeve të djeshme të shiut dhe dëborës fundjava sjell temperatura të qëndrueshme.  Ditën e sotme mbi vendin tonë do të mbizotërojë një mot me kthjellime dhe kalime të pakta vranësirash. Reshje shiu nuk parashikohet që të ketë. Temperaturat e ajrit do të rriten në mëngjes dhe në mesditë.

Sipas Meteoalb, sot temperaturat do të pësojnë rritje të lehtë ku do të variojnë: në zonat malore, nga 02°C në 11°C, në zonat e ulëta nga 09°C në 19°C dhe në zonat bregdetare nga 12°C në 21°C.

Era do të fryjë në drejtim Verior ndërsa forca e valëzimit në det do të jetë 3-4 ballë.