Sipërmarrësi Elton Ilirjani ka ndarë lajmin e gëzueshëm për ndjekësit e tij, duke njoftuar se ikona e muzikës shqiptare, Parashqevi Siamku, ka takuar për herë të parë pas shumë vitesh djalin e saj, Luke. Takimi i shumëpritur ndodhi mbrëmjen e kësaj të premteje dhe ka qenë një moment emocionues për të dy.

Nëpërmjet një postimi në Instagram, Ilirjani bëri publike lajmin dhe kujtoi se, më parë, Parashqevi kishte komunikuar me djalin përmes telefonit, duke njoftuar gjithashtu se takimi do të ndodhte shumë shpejt.

Rasti i këngëtares, e cila kishte jetuar e pastrehë në Nju Jork, tronditi opinionin publik një muaj më parë. Pas ndihmës së dhënë nga Ilirjani, gjendja e saj ka përmirësuar ndjeshëm. Aktualisht, Parashqevi qëndron në një hotel në New York, një mundësi e mundësuar nga vetë biznesmeni Ilirjani.