Pas një periudhe të gjatë të paqartësive dhe mungesës së informacionit, këngëtarja e njohur shqiptare Parashqevi Simaku është rikthyer në vëmendjen e publikut. Ajo, e njohur për zërin dhe interpretimin e saj në vitet 80’ dhe 90’, u pa kohët e fundit në një gjendje të mjerueshme në rrugët e New York-ut. Ky moment tronditës u bë shkak për një reagim të shpejtë nga biznesmeni shqiptar Elton Ilirjani, i cili siguroi një dhomë hoteli për tre javë për këngëtaren.

Në një lajm të fundit, Ilirjani ka ndarë me publikun se Parashqevi Simaku pas shumë vitesh është në kontakt me familjen e saj. Ai ka theksuar se këngëtarja është lidhur me vëllain e saj dhe nipat e mbesën, duke i sjellë kështu një ndihmë emocionale pas periudhës së vështirë. “Familja e saj është tashmë në kontakt”, shkruan ai, duke shprehur një shpresë për rikthimin e saj në një jetë më të mirë.