Tiranë – Partia Demokratike ka finalizuar një marrëveshje koalicioni me 25 parti të tjera politike për zgjedhjet parlamentare të 11 majit 2025.

Sipas njoftimit zyrtar, PD ka dorëzuar në Komisionin Qendror të Zgjedhjeve (KQZ) kërkesën për regjistrimin e saj në garën zgjedhore, duke zyrtarizuar kështu bllokun opozitar për zgjedhjet e ardhshme.

Koalicioni do të mbajë emrin “Partia Demokratike – Aleanca për Shqipërinë Madhështore”, me shkronja nistore “PD-ASHM”.

Ky është një hap i rëndësishëm për PD-në dhe aleatët e saj, të cilët synojnë të rikthejnë forcën e opozitës dhe të garojnë me një platformë të përbashkët për të ardhmen e vendit.