Kreu i PD-së Lulzim Basha mbledh Kolegjin e Kryetarëve sot në orën 17:00, ku në fokus të diskutimeve do të jetë humbja e 6 marsit, në zgjedhjet e pjesshme lokale.
Ky zhvillim në selinë blu vjen një ditë pas mbledhjes së Grupit Parlamentar Demokrat, ku pati debate të forta në lidhje me shkaqet e humbjes në zgjedhjet e 6 Marsit.
Kujtojmë se në një mbledhje urgjente pas seancës plenare të së hënës, shumica e deputetëve që janë në grupin e PD-së kërkuan nga kryedemokrati Basha që të marrë përgjegjësi dhe të zgjidhë situatën.