Joana Sanz, bashkëshortja e Daniel Alvesit, ka konfirmuar se qëndron pranë ish-lojtarit të futbollit, i cili u lirua me kusht nga burgu pasi depozitoi një garanci prej 1 milion eurosh.

Alves po pret një vendim për apelin e tij kundër dënimit me 4 vjet e gjysmë burg për abuzim seksual.

Modelja ka ndarë një foto në rrjetet sociale ku shfaqet duke qëndruar dorë për dore me brazilianin.

Pas lirimit nga burgu, Alves u akomodua në shtëpinë që ndanin në Barcelonë.

Informacionet e fundit tregojnë se një revistë braziliane ka paguar garancinë për ish-lojtarin, duke kërkuar një intervistë dhe reportazh në këmbim të pagesës, kur Joana Sanz ishte pjesë e kësaj situate.