Pas lajmit për arrestimin e këngëtarit Gjesti dhe akuzave se ka kanosur kompaninë muzikore Onima, ka ardhur edhe reagimi i parë nga pala tjetër e përfshirë në këtë konflikt.

Pronari i kompanisë, Erkand Shabani, ka thyer heshtjen përmes një postimi në rrjetet sociale. Në vend të një deklarate të gjatë apo sqarimi zyrtar, ai ka zgjedhur një mesazh të shkurtër, por me shumë nënkuptime.

Në një postim në Instastory, Shabani ka publikuar një shprehje të njohur latine mbi një sfond të zi.

“Shqiponja nuk kap miza”, shkruhet në mesazhin e publikuar prej tij.

Postimi vjen në një moment kur çështja mes artistit dhe kompanisë muzikore ka tërhequr vëmendjen e madhe të publikut dhe mediave.