Pas Bashkimit Europian, Shteteve të Bashkuara dhe Kanadasë edhe Britania e Madhe urdhëron heqjen e aplikacioneve të Tik Tok nga telefonët smart të punonjësve të administratës.
Vendimi u miratua këtë të enjte në Dhomën e Ulët të Parlamentit në Londër. Dyshohet se Tik Tok grumbullon fshehurazi të dhënat e përdoruesve për llogari të zbulimit kinez.
Për këtë arsye, qeveria britanike ashtu si administratat e vendeve partnere, po përpiqet të shmangë mundësinë që të dhëna me rëndësi shtetërore, të grabiten nga spinazhi i Pekinit përmes celularëve të punonjësve të administratës.
Sakaq, administrata Biden shkon edhe më tej, duke kërcënuar se do të bllokojë përdorimin e Tik Tok në gjithë territorin e Shteteve të Bashkuara, nëse pronarët kinezë nuk heqin dorë nga aksionet e tyre.
Pekini akuzoi Perëndimin për histeri, ndërsa i kërkoi Shtëpisë së Bardhë të paraqesë fakte dhe jo fjalë për rreziqet që përbën Tik Toku për sigurinë kombëtare të Shteteve të Bashkuara.
