Tifozët holandezë në Roterdam duket se nuk po e kanë përballuar dot humbjen e finales së Konferencë League, që u mbajt për herë të parë në Tiranë. Dhjetëra persona janë arrestuar dhe janë raportuar disa përleshje në qytet.

Shumë efektivë policie në janë zhvendosur në zonën e Lijnbaan pasi atje situata është më e tensionuar dhe tifozët po godasin policinë me shishe birre dhe mjete që i ndodhen përreth. Në Stadhuisplein, ku tifozët ndoqën ndeshjen në ekrane të mëdha, janë ndezur fishekzjarre dhe pishtarë dhe në atë zonë situata është më e qetë.

Gjysmë ore pas sinjalit final në Tiranë, transmetimet e Feyenoord në Roterdam u mbyllën. Mbështetësit u larguan nga sheshet dhe stadiumi De Kuip, ku finalja e humbur e Ligës së Konferencës u shfaq në ekranet e mëdha mbrëmjen e së mërkurës.

Ndërkohë që incidentet nuk munguan as në zonën e Pedonales në Tiranë, ku disa tifozë holandezë u përfshinë në përleshje.

De politie veegt het Hofplein inmiddels leeg. #Rotterdam pic.twitter.com/M89JuwDMmh

— AD Rotterdams Dagblad Live (@ADRDLive) May 25, 2022