Është emëruar drejtori i ri i Policisë së Shtetit, pas dorëheqjes së Ardi Veliut, një ditë më parë, përmes një letre drejtuar kryeministrit Edi Rama, ku theksonte se do të largohej nga detyra për t’iu përkushtuar më shumë familjes.

Ardi Veliu është zëvendësuar zyrtarisht nga Gledis Nano, i cili ka 20 vite eksperiencë në Policinë e Shtetit.

Së fundi, Gledis Nano ka mbajtur detyrën e drejtorit të Antiterrorit në Policinë e Shtetit.

Emërimi i tij është firmosur këtë të mërkurë në mbledhjen e Qeverisë nga zëvendës kryeministri Arben Ahmetaj.

Emërimi i tij është bërë me propozim të Ministrit të Brendshëm Bledi Çuçi.