Influencerja dhe ish-banorja e “Big Brother VIP”, Genta Gjalpi, është rikthyer në rrjet pas bujës së madhe që shkaktoi një video ku ajo shihej duke ushtruar dhunë ndaj vajzës së partnerit të saj. Pamjet, të cilat u shpërndanë gjerësisht, ngjallën reagime të forta dhe shqetësime për gjendjen e saj emocionale dhe të miturës së përfshirë.

Pavarësisht zhurmës mediatike dhe tronditjes që shkaktoi në opinionin publik, duket se marrëdhënia e Gentës me partnerin e saj nuk është lëkundur. Së fundmi, ajo ka publikuar një foto në profilin e saj ku shfaqet e buzëqeshur dhe e përqafuar me partnerin, duke dhënë sinjale se çifti vazhdon të qëndrojë bashkë, pa asnjë distancim publik pas incidentit.

Postimi i saj ka nxitur komente të ndryshme, ku ndjekësit ndahen mes atyre që e kritikojnë dhe të tjerëve që i urojnë forcë për të përballuar situatën.