Ka nisur zyrtarisht fushata elektorale për zgjedhjet e 25 prillit. Partia Demokratike e çeli e para zyrtarisht fushatën në sheshin “Nënë Tereza”.
Fushata startoi në orën 17:00 me aktivitetin në sheshin ‘Nënë Tereza’, dhe u hap nga kandidatja e PD në Elbasan, Flutura Açka. Ndërsa kryedemokrati Basha u shfaq me 70 minuta vonesë.
Militantë të PD-së me flamuj kanë dalë në shesh ku numri i tyre është tepër i madh, duke përbërë rrezik për shëndetin dhe përhapjen e infeksionit COVID. Në shesh janë grumbulluar kandidatë e PD për deputet, përfaqësuesit e PD dhe militantët e shumtë. Militantët ishin thirrur nga Basha të qëndronin në makina për të ruajtur distancën, por situata ka dalë nga kontrolli pasi ata janë mbledhur të gjithë në shesh, ngjitur ku llogariten qindra vetë të grumbulluar.
