Grupi Parlamentar i Partisë Demokratike ka propozuar deputeten Ina Zhupa për të zëvendësuar Flutura Açkën në krye të Komisionit të Edukimit. Ky propozim është dërguar nga kreu i Grupit Parlamentar të PD, Gazment Bardhi, në një shkresë drejtuar kryetares së Kuvendit.
Largimi i Açkës nga grupi parlamentar i PD ndodhi pak orë pas arritjes së një dakordësie mes mazhorancës dhe opozitës për draftin e Reformës Zgjedhore. Açka njoftoi largimin e saj përmes një postimi në rrjetet sociale, ku shprehu ironinë për “rënien e maskës së fundit” dhe njoftoi se do të largohej nga Grupi i PD-së, duke theksuar se nuk do të bëjë “minën ndaj demokracisë”.
