Zëdhënësit e Partisë Demokratike kanë reaguar ndaj deklaratave të kryeministrit Edi Rama, duke e akuzuar atë për shfaqje bajate dhe mungesë zgjidhjesh konkrete për problemet e qytetarëve. Ata e përshkruajnë Ramën si një lider që sillet si pronar i Shqipërisë, por që shqiptarët vazhdojnë të emigrojnë përditë.
Kritika ndaj Ramës përqendrohet në akuzat e korruptimit, duke thënë se ai do të shkojë në histori si kryeministri me më shumë ministra dhe bashkëpunëtorë brenda burgut se sa jashtë tij. Ata e quajnë Ramën person që nuk pranon ndëshkim për korrupsionin dhe ka kriminalizuar shtetin, duke e cilësuar ata që nuk janë pjesë e korrupsionit si kundërshtarë të tij.
Reagimi vazhdon me të thënë se pas humorit dhe batutave të Ramës fshihet frika nga drejtësia, që po ngushton investigimet për çështjet korruptive. PD thotë se as aleatët e Ramës dhe propaganda mediatike nuk do ta shpëtojnë atë nga drejtësia dhe hetimet që po ndodhin në vend.
Njerëzit presin zgjidhje për hallet dhe problemet e tyre nga kryeministri, por ai nga njëri resort në tjetrin u ofron vetëm shfaqe bajate.
Sillet si pronar i Shqipërisë, ndërsa çdo ditë shqiptarët marrin rrugët e emigrimit.
Edi Rama do të hyjë në historinë e shtetit shqiptar si kryeministri që më shumë ministra dhe bashkëpunëtorë i ka brenda në burg se sa jashtë tij, prandaj për Edi Ramën kush nuk vjedh fle gjumë.
Nuk mund të ketë një qeveri të korruptuar dhe një kryeministër të ndershëm, prandaj për Edi Ramën, kush nuk bëhet mburojë e korrupsionit është i paaftë.
Edi Rama ka hyrë në historinë e Shqipërisë si njeriu që kriminalizoi shtetin, prandaj për të, kush nuk është aleat me krimin në vjedhjen e zgjedhjeve, nuk bën për politikë.
Pas humorit dhe batutës së Ramës, fshihet frika nga drejtësia, që po ngushton lakun dhe, herët a vonë, do t’i shkojë çështjes së inceneratorëve dhe aferave të tjera korruptive deri në fund.
Edi Ramën nuk e shpëton dot më as aleati i tij i kullave, as propaganda që i bëhet nga mediat që paguan me paratë e krimit dhe korrupsionit qe i ushqen.
